Nú þegar sumri hallar er gaman að rifja upp það sem fram fór á Hrafnseyri á liðnu sumri. Að vanda var hápunktur sumarsins Hrafnseyrarhátíð sem haldin var á þjóðhátíðardaginn 17. júní. Hátíðarræðu dagsins flutti Ísfirðingurinn Vigdís Jakobsdóttir, listrænn stjórnandi Listahátíðar í Reykjavík.

Frá uppgreftrinum á Auðkúlu. Ljósmynd: Margrét Hrönn Hallmundsdóttir.

Laugardaginn 19. ágúst verður haldinn fornminjadagur á Hrafnseyri við Arnarfjörð. Dagurinn hefst á kynningu Margrétar Hrannar Hallmundsdóttur, fornleifafræðings hjá Náttúrustofu Vestfjarða um rannsókninna „Arnarfjörður á miðöldum. Rannsóknin hefur staðið yfir frá árinu 2011 á vegum Náttúrustofu Vestfjarða. Að kynningu lokinni verður boðið í stutta vettvangsgöngu um Hrafnseyri og að lokum farið yfir á Auðkúlu.